Një lojë e fshehtë duket se po luhet me kufirin detar shqiptar. Ndërsa pala jonë nuk thotë asnjë fjalë, fqinji është otpimist se do të marrë 12 milje det në Shqipëri.
Vetë shefi diplomacisë greke Kotzias për herë të parë ka dhënë detaje për Shellfin Kontinental njohur ndryshe si kufiri detar mes dy vendeve një prej temave të nxehta në tryezën e bisedimeve.
Kotzias ka bërë publike detajet duke treguar se çfarë është arritur për kufirin detar. “Shqipëria ka pranuar të drejtën tonë për shtrirjen 12 milje” kështu ka deklaruar ai gjatë një interviste dje në darkë për televizionin shtetëror ERT.
Marrëveshja për kufirin detar që mori firmat e ish-ministrit të jashtëm demokrat, Lulzim Basha dhe ish-homologes së tij Bakojanis nuk u zbatua asnjëherë. Këtë marrëveshje Gjykata Kushtetuese e gjeti problematike dhe e shpalli anti-kushtetuese.
Kotzias ka thënë se pakti me Shqipërinë do mbyllet para se Tsipras të vizitojë Shqipërinë. Pra para muajit Prill.
Marrëveshja me Shqipërinë, shkruan Skai.gr vjen pas një klime të mirë bisedimesh mes Tiranës dhe Athinës në përmirësimin e marrëdhënieve mes dy shteteve.
Por nga tjetër ministri Bushati, duke folur nga studio e hapur në News 24 nuk ka pranuar se Shqiperia po i fal det Greqise.
“Gjatë gjithë kësaj periudhe janë bërë disa diskutime eksploratore për të kuptuar më mirë jo vetëm gabimet e palës shqiptare në të shkuarën, por edhe vendimmarrjen e Gjykatës Kushtetuese. Dua të siguroj opinionin publik që çdo marrëveshje e ardhshme do të mbarë parasysh jo vetëm parimet e të drejtës ndërkombëtare por mbi të gjitha vendimmarrjen e Gjykatës Kushtetuese”, tha Bushati.
