Studentët dhe pedagogët e Fakultetit të Historisë dhe Filologjisë kanë nisur sot grevën e tyre të paralajmëruar që prej të ditës së premte.
Në oborrin e fakultetit, ata kërkuan që të plotësoheshin kërkesat e tyre të parashtruara përmes një letre publike të asamblesë së pedagogëve të këtij fakulteti.
Njësoj si tek Shkencat Sociale aty shprehej shqetësimi në lidhje me VKM-të e miratuara nga qeveria në fund të vitit të kaluar dhe kërkohej që ato të rishikohen, pasi sipas tyre shkelet autonomia universitare.
Paralelisht me grevën e pedagogëve, të hënën studentët vijuan bojkotin e mësimit.
Në Fakultetin e Drejtësisë një grup studentësh kërkuan të rikthehen në auditore.
Por, të tjerë vijojnë të mbajnë të bllokuara hyrjet në institucion, çka ka shkaktuar debate të ashpra mes studentëve.
Pas Tiranës edhe studentët e Shkodrës kanë nisur ngujimin.
Studentët zgjodhën këtë formë ekstreme reagimi, pasi qeveria nuk jua ka plotësuar 8 kërkesat e bëra publike./Rel.d/
