Pak ditë më parë mediat greke publikuan një lajm ku thuhej se qeveria shqiptare kishte hequr nga Fletorja Zyrtare vendimin për të drejtën e pronës së minoritetit grek.
Pas jehonës së këtij lajmi, kryeministri shqiptar Edi Rama ka zhvilluar një bisedë telefonike me homologun tij grek Aleksis Tsipras.
LEXO EDHE: Media greke: Shqipëria ka fshirë nga Fletorja Zyrtare vendimin për pronat
Mësohet se dy kryeministrat kanë folur në lidhje për bashkëpunimin mes dy vendeve dhe për perspektivën e integrimit të Shqipërisë në Bashkimin Europian.
Kujtojmë që pas publikimit të lajmit në mediat greke, Tsipras i ndodhur në Samitin e Rumanisë, i dha një mesazh të qartë qeverisë shqiptare, duke thënë se problemet me minoritetin grek do pengonin integrimin e Shqipërisë në BE.
Bëhet me dije se, në fokus të diskutimeve mes Ramës dhe Tsipras kanë qenë çështjet e pronave në detin Jon si dhe për legjislaturën përkatëse për minoritarët./ Opinion.al E. Xh
