Qyteti i Shkodrës është tronditur ditën e sotme, pasi persona të armatosur kanë shkëmbyer zjarr me njëri tjetrin.
Ngjarja ka ndodhur n ë sheshin “Demokracia” dhe dy persona që lëvizin me makina kanë hapur zjarr ndaj njëri- tjetrit.
Si pasojë kanë mbetur të plagosur tre persona, dy meshkuj dhe një femër, ku një prej tyre ka qenë kalimtar i rastësishëm.
Të plagosurit janë Dionis Lisi, i cili ndodhet në gjendje të rëndë për jetën dhe dyshohet të ketë qenë edhe objekti i këtij sulmi, L. T. 25 vjeçe dhe Ernik. Prenudushi 59 vjeç, janë jashtë rrezikut për jetën të cilët kanë qenë kalimtare te rastit.
Nga informacionet paraprake mësohet se dy të plagosurit që janë jashtë rrezikut për jetën kanë qenë kalimtarë të rastit.
Policia ka gjetur një makinë të braktisur në fshatin Zogaj në kufi me Malin e Zi, e cila dyshohet se është përdorur gjatë atentatit si dhe armën e krimit të hedhur në një kosh mbeturinash.
Njoftimi i policisë:
Më datë 15.07.2017, rreth orës 13;00, kemi marr njoftim se ka të shtëna me armë, përballë Teatrit Migjeni.
Menjëherë shërbimet e Policisë kanë shkuar në vendngjarje ku dhe kanë konstatuar se janë plagosur me armë zjarri shtetasit:
- L. 32 vjeç, i cili ndodhet në gjendje të rëndë për jetën dhe dyshohet të ketë qenë edhe objekti i këtij sulmi.
- T. 25 vjeçe jashtë rrezikut për jetën, E. P. 59 vjeç, jashtë rrezikut për jetën të cilët kanë qenë kalimtare te rastit.
Autori/ët janë larguar me shpejtësi me një automjet në drejtim të Shirokës.
Nga policia e Shkodrës është bërë e mundur gjetja e armës së zjarrit dhe automjeti i autorit/eve.
Janë ngritur pika te shumta kontrolli dhe po behet krehja e zonës pre identifikimin dhe kapjen e autorit/ve dhe sqarimin e rrethanave te ngjarjes.
Po bashkëpunohet me Policinë Kufitare pasi dyshohet se autori/ët mund të largohen në drejtim të Malit të Zi.
