Në emisionin ‘Opinion’ është duke u diskutuar për arrestimin e drejtorëve në ditët e fundit.
Edhe emisioni i sotëm ka rezervuar disa momente në prapakuinta, ku stafi i emisionit shihet teksa bën përgatitjet e fundit dhe të ftuarit që grimohen e bëhen gati për në studio, për një temë që duket se nuk është e lehtë.
Në dhomën e grimit shihet analisti Mustafa Nano teksa grimohet dhe po ashtu analisti Artan Hoxha që duket se e ka mbaruar grimin, e pak më tutje stafi i ‘Opinion’ të cilët i shpjegojnë drejtuesit të emisionit Blendi Fevziu më tepër rreth materialeve të përgatitura për emisionin.
Më pas në studio të ftuarit zënë vendet e tyre pasi duket se regjia ka filluar numërimin mbrapsh për fillimin e emisionit.
Ndiqni në videot më poshtë të gjithë atë çfarë ndodhi përpara se emisioni Opinion të fillonte transmetimin direkt në ekranin e TV Klan./G.Z-Opinion.al
