Kryeministri Edi Rama takimin e radhës me votuesit për herë të parë e ka pasuar me të rinjtë e Kavajës. Teksa ishte duke folur, Rama është ndeshur me brohorima pa fund nga të rinjtë e këtij qyteti, çka ka sjellë për pak moment ndërprerjen e fjalimit të tij.
Rama ju ka kërkuar të pushojnë që ai më pas të flasë, por ata nuk i janë bindur dhe kanë vazhduar me brohorimat e tyre, më pas Rama është ulur për disa minuta këmbëkryq mbi podium: “Unë nuk flas po nuk pushuat, se unë mund t’ia fus edhe gjumit këtu. Çfarë keni ngrënë sot, s’po iu marrë vesh. Në këtë qytet më shumë se askund tjetër duhet të punojmë me zemër për ti dhënë një shembull gjithë Shqipërisë. Ajo që është më e rëndësishme është Kavaja, është Shqipëria.. socialist dhe demokratë mbi të kanë Shqipërinë, Drejtësinë, punësimin”, iu drejtua ndër të tjera Rama të rinjve. /opinion.al
