Kulla Eiffel në kryeqytetin francez është mbyllur përkohësisht për vizitorët, pasi një person ka tentuar të ngjitet në strukturën metalike
Ngjarja ka ndodhur mesditën e së hënës, por nuk dihet në çfarë lartësie ishte personi dhe cilat ishin motivet që e bënë të ngjitej në strukturën atraktive për turistët.
Sipas, zëdhënësit të policisë së Parisit, skuadra e zjarrfikësve, së bashku me një specialist për ngjitje ndërhynë në moment dhe kanë mundur të ndalojnë personin që po ngjitej në strukturën metalike.
Zyrtarët nuk kanë zbuluar informacione të tjera për incidentin duke mos dhënë detaje as për rihapjen e Kullës Eiffel.
Kjo nuk është hera e parë që një person ngjitet në ikonën ndërkombëtare të Francës, që vizitohet nga miliona turistë çdo vit./ Opinion.al E.Xh.
