Anëtarët e saj mund të kenë humbur rolet e tyre zyrtare, por familja mbretërore është ende e njohur për shumë rumunë.
Monarkia e Rumanisë ka qenë jofunksionale që nga viti 1947. Por familja mbretërore ende ruan veprimtaritë. Ajo organizon ballo në Kështjellën Peles. Kjo e fundit është një muze, por dikur ka qenë shtëpia e tyre. Dy vite më parë, 150 vjetori i dinastisë u festua me pompozitet të konsiderueshëm. Ushtarët bënin paradë me armë, një grup regjimental luante muzikë dhe aeroplanët lëshonin tym në qiell me ngjyrat e flamurit kombëtar. Shumë rumunë ende interesohen për çështjet mbretërore. Dhjetorin e kaluar dhjetëra mijëra u rreshtuan në rrugët e Bukureshtit për të parë funeralin spektakolar shtetëror të mbretit të fundit, Michael. Pjesëtarë të disa familjeve të huaja mbretërore morën pjesë.
Pas vdekjes së mbretit Michael, parlamenti diskutoi një projekt-ligj për t’i dhënë kryetarit të shtëpisë mbretërore të njëjtin status si ai i ish-kreut të shtetit. Gjithashtu, u luajt me idenë e një referendumi mbi rivendosjen e monarkisë. Një sondazh tregoi se rreth 70% e publikut dëshiron që çështja të vihet në një votim popullor. Megjithatë, kurrë nuk u ec përpara me të.
Caroli i I, Ferdinandi & Michael
Për shumë shekuj rumunët u sunduan nga princat lokalë. Ata gjithashtu u udhëhoqën nga perandoritë osmane, austro-hungareze dhe ruse. Në vitin 1881 parlamenti i ri i bashkuar i Rumanisë i kërkoi princit të qeverisë që të ishte mbreti i tij i parë modern. Princi ishte një gjerman me emrin Carol Hohenzollern-Sigmaringen. Pas vdekjes së Carolit të I të Rumanisë, nipi i tij Ferdinandi trashëgoi fronin. Dhe kur mbreti Ferdinand vdiq, nipi i tij pesëvjeçar, Michael, u bë mbret. Babai i disiplinuar i djalit, i cili më parë i kishte hequr dorë të drejtat e tij në fron, u kthye për të rimarrë kurorën në vitin 1930 si Mbreti Carol II. Por Caroli i II u detyrua përsëri të dilte nga vendi në vitin 1940.
Michael u bë mbret për herë të dytë, por u abdikua shtatë vjet më vonë nën presionin e komunistëve dhe kaloi katër dekadat e ardhshme në Zvicër. Ai u kthye pas rënies së regjimit Ceausescu, por kurrë nuk u rivendos si kreu i shtetit. Vajza e tij më e vjetër, Margareta, është “Kujdestarja e Kurorës Rumune” aktuale.
Shumë rumunë janë nostalgjikë për dinastinë mbretërore të tyre të shkurtër. Në funeralin e Mbretit Michael, britmat “poshtë komunizmi” aluduan në kundërshtimin e mbretit të komunizmit në vitet 1940. Përhapja e mbështetjes për mbretërorët mund të jetë e lidhur me zhgënjimin në rritje në skandalet e korrupsionit që përmbysin politikën rumune. Në vitin 2017, pasi social-demokratët e sapozgjedhur deshën të dekriminalizojnë disa veprime korrupsioni nga zyrtarët, rumunët u përgjigjën me protestat më të mëdha që nga revolucioni antikomunist i vitit 1989. Këtë verë demonstratat u kthyen mbi paga të ulëta dhe korrupsion të ngulitur. Aleanca Kombëtare për Rivendosjen e Monarkisë, një organizatë rinore, me optimizëm përdor sloganin “monarkia do të shpëtojë Rumaninë”.
Vetë familja mbretërore, duket se nuk ka ndërmend të luajë rol kyç në ringjalljen e mbretërisë
Pjesa më e madhe e mbulimit mediatik nga ana e tyre fokusohet te grindjet për trashëgiminë. Në fakt, ka arsye për t’u grindur. Froni mund të jetë jofunksional, por pasuria e familjes mbretërore vlerësohet të jetë 65 milion euro, duke përfshirë 4 kështjella dhe 20,000 hektarë pyje. Në vitin 2015, Michael i mohoi Nicholas Medforth-Mills, titullin e tij dhe të drejtat dinastike. Ky i fundit është djali i vajzës së tij të dytë. Arsyeja është dyshimi i lindjes së një fëmije jashtë martese (ai e mohon këtë).
I vetëquajturi Princ Pauli i Rumanisë ka provuar vazhdimisht ta hedhë Michael në gjyq. Ai kërkon të drejtat e tij si nipi i Carolit të II nga një martesë morganatike. Martesa morganatike është martesa më një grua me gradë më të ulët shoqërore, duke parandaluar kalimin e titullit.
Në vitin 2011, tabloidët në Rumani dhe Britani ndanë spekulime se Charles, Princi i Uellsit, mund të bëhej mbret. Kjo falë paraardhësve të përbashkët me Vlad Impaler (frymëzimi për Drakula të Bram Stoker). Duket se kërkuesit e titullit mbretëror të sotëm nuk mund ta marrin detyrën e qeverisjes./ Përshtati: Elena Lika – Opinion.al
