Franca ka deklaruar se po tërheq ambasadorët e saj në SHBA dhe Australi për konsultime, në shenjë proteste ndaj një marrëveshjeje sigurie e cila përfshin edhe Mbretërinë e Bashkuar.
Ministria e jashtme tha se “vendimi i jashtëzakonshëm” u mor bazuar në seriozitetin e paktit.
Si pjesë e marrëveshjes së njohur si Aukus, Australisë do t’i jepet teknologjia për të ndërtuar nëndetëse me energji bërthamore. Kjo marrëveshje e re shfuqizoi një marrëveshje shumë miliardë dollarëshe që Franca kishte nënshkruar me Australinë. Aleanca u njoftua nga Presidenti amerikan Joe Biden, kryeministri britanik Boris Johnson dhe homologu i tij australian Scott Morrison të mërkurën.
Ndërsa ata nuk e përmendën Kinën, Aukus po shihet gjerësisht si një përpjekje për të kundërshtuar ndikimin e Pekinit në Detin e kontestuar të Kinës Jugore.
Ministri i Jashtëm francez Jean-Yves Le Drian më herët e kishte përshkruar paktin si një “goditje pas shpine”. Diplomatët francezë në Uashington tashmë kishin anuluar një gala për të festuar lidhjet midis SHBA dhe Francës./Opinion.al
