Në disa portale ka qarkulluar lajmi për një sherr të ndodhur gjatë mbledhjes së djeshme të partisë “Libra”. Sipas burimeve të “Opinion.al”, mësohet se ky sherr ka ndodhur për shkak të një personi i cili nuk ishte pjesë e partisë, por kishte ardhur me qëllime të pastra për të shkaktuar konflikte. Personi në fjalë, i quajtur Andon Qako prej kohësh ka sulmuar dhe kërcënuar këtë parti me anë të statuseve dhe komenteve që përmbajnë gjuhë urrejtje.
Personi në fjalë ka filluar të ngrejë zërin deri sa ka shkaktuar edhe shqetësimin e përgjegjësve të hotelit ku po realizohej mbledhja. Ata i kanë tërhequr vërejtje disa herë, por Qako kërkonte me çdo kusht një konflikt.
Kryetari Ben Blushi, i ka kërkuar këtij personi ta takojë personalisht jashtë ambienteve të hotelit, për të shmangur një situatë shqetësuese, ndërsa insistimi dhe agresiviteti i tij kanë detyruar sigurinë e hotelit të marrë masa.
“Aty s’kishte dhunë, veç nevojë për të nxjerrë jashtë një njeri që mbante kamera dhe përpiqej të dëmtonte në një mbledhje ku nuk ishte i ftuar. “ – janë shprehur disa prej anëtarëve të kësaj partie kontaktuar prej nesh.
Nga ana tjetër vetë “Libra” ka publikuar një reagim zyrtar në lidhje me ngjarjen ku e sqaron se çfarë ndodhi vërtetë.
Reagimi:
SQARIM I LIBRA PER DISA PORTALE
Sot dhe dje disa portale kane postuar nje lajm sipas te cilit gjate nje mbledhje te Libra dje pasdite ka patur sherre dhe ka nderhyre policia.Se pari duam te bejme me dije se ne asnje rast nuk ka patur perplasje me grushta ne mbledhjen e LIBRA dhe ky lajm eshte I pavertete.Ajo qe ka ndodhur eshte kjo:nje njeri me sa duket me luhatje te forta emocionale qe quhet Andon Qako erdhi ne takim dhe filloi te filmonte njerezit me celularin e tij.Per kete shkak disa nga pjesemarresit I kerkuan te dale jashte edhe per shkak se ky njeri nuk eshte antar i Libra-s dhe nuk ishte I ftuar ne mbledhje.Pasi. A.Qako kundershtoi dhe kercenoi me filmime iu kerkua stafit te sigurise te hotel Monark te nderhyje per ta nxjerre jashte.Sic duket dhe nga video qe ka postuar vete A.Qako askush nuk e ka prekur me dore.LIBRA e kupton qe A.Qako ka qene I shtyre per te filmuar mbledhjen dhe ndoshta edhe i sponsorizuar dhe i kerkon atyre qe e kane bere kete gjest qe here tjeter te gjejne njerez me te stabilizuar menderisht dhe me te ke qete.Mbledhjet LIBRA do vazhdojne te jene transparente dhe te hapura madje edhe ne livestream per gjithe te interesuarit./Opinion.al
