Peshëngritësja shqiptare, e cila në dhjetor të vitit të kaluar bëri të gjithë shqiptarët krenarë duke u shpallur kampione botë në stilin e shkëputjes, këtë herë duket se shkëlqimi i saj është zbehur, madje rrezikon të mbyllë përfundimisht karrierën.
Në tesin anti-doping Romela Begaj rezultoi pozitive. Ajo mori medaljen e artë në peshëngritje për femra në 8 dhjetor të 2017-ës, në stilin e shkëputjes për peshat 69 kg në garën e mbajtur në SHBA. Por, ky nuk është rasti i parë që Romela Begaj rezulton pozitive në këtë test të rëndësishëm. Edhe në 2014-ën, Begaj mori të njëjtin rezultat pozitiv, pasi në gjak iu gjet sasi e lartë e stanazolit.
Aktualisht, Begaj do t’i nënshtrohet edhe një testi të dytë, i njohur si “testi B”, për të vërtetuar përfundimisht rezultatin anti-doping. Nëse rikonfirmohet i njëjti rezultat, Romela rrezikon 2-4 vjet pezullim, majde duke parë edhe moshën e saj mund të rrezikojë të mbyllë përfundimisht karrierën.
