Ka nisur zyrtarisht procesi i votimit në Shqipëri. Mbi 3.4 milionë shqiptarë janë ftuar të votojnë sot një prej 18 partive që janë në garë. Sipas KQZ-së materialet zgjedhore janë shpërndarë në të gjithë vendin dhe komisionet e qendrave të votimit janë të gatshme për të nisur procesin e votimit.
Janë ngritur 5 362 qendra votimi dhe procesi do të administrohet nga 90 komisione zonalë të administrimit zgjedhor (KZAZ). Mësohet se janë angazhuar 7 mijë forca policore, për të garantuar procesin zgjedhor.
Problemet e para
Rreth orës 08:00 është bllokuar votimi në QV në Vreshtas. Shkak ngatërrimi i listës së komisionerëve. Pritet që KZAZ të sjellë listën e saktë.
Po kështu votimi është bllokuar edhe në QV në Orman. Shkak konstatimi i një rasti të votimit familjar.
Rreth orës 07:40 në Durrës , QV 96/1, në lagjen 8 nuk ka nisur ende procesi i votimit, për shkak të problemit me emrin e komisionerit të PD. Komisioneri i PD-së e ka emrin ndryshe në dokumentet.
Ora 07:58: Pogradec, banorët e Oshteç Trebinjë bojkotojnë zgjedhjet Bllokohet votimi ne Oshteç Trebinje me 140 votues. Shkak është bërë protesta e banorëve për mungesën e infrastrukturës rrugore.
Ora 07:25 nis me vonesë votimi në 3 QV të Fierit, shkak problemet me bojën
Ka nisur me vonesë procesi i votimit në 3 QV të Fierit. Shkak është bërë problemi me bojën e vulave. Brenda disa minutave boja është zëvendësuar dhe procesi i votimit ka nisur normalisht.
Ora 07:15 Ngatërrohen vulat në një QV në Vlorë.
Procesi i votimit nuk ka nisur në një QV në Qarkun e Vlorës. Shkak është bërë ngatërrimi i vulës.
Ora 08:00: Në Kavajë, ne qendren e votimit 2185, vëzhguesit nuk kanë karta identiteti, nuk lejohen të votojnë. Në Patos, në 40 qendra është pezulluar votimi për shkak të problemeve me bojën. Në Shkodër, në QV 274 ende nuk ka nisur votimi, shkak mosparaqitja e komisionerit të PD.
Ora 07: 43 Ne Himare 1 mije emigrante te ardhur per te votuar
Në Himarë procesi i votimit ka nisur 30 minuta me vonesë. Gazetarja e Ora Neës Alketa Çeku informon se personat nuk e gjejnë emrin në listat votuese. “Deri dje 1 mijë emigrantë kanë ardhur për të votuar. Listat e emrave janë afishuar vetëm në orën 07:20 minuta.
Ora 07: 40 Në një QV në Kamëz nuk ka nisur votimi, mungojnë dy komisionerë
Në Qendrën e Votimit 15-69/1 në Kamëz nuk ka nisur ende proçesi i votimit. Shkak është bërë mungesa e dy komisionerëve, nga PD dhe një nga PR.
Ora 07: 20 Incident i vogel ne Fier
Në Fier një incident është shënuar në QV 29 99 e KZAZ 58 në shkollën “Anton Xoxa” .
Komisioneri i LSI-së pretendonte se nuk lejohej të hynte në qendrën e votimit. Në këtë moment ka ndërhyrë deputeti i LSI-së Robert Bitri.
