Kryeministri Edi Rama ka replikuar me qytetarët në rubrikën “Sy më sy”, teksa komentonte arrestimin e kryebashkiakut Erion Veliaj.
Teksa një qytetar i tha që “të mos i mëshojë tavolinës më me duar”, Rama iu përgjigj se pa i mëshuar tavolinës nuk lëvizin gjërat si duhet.
Ndër të tjera përmendi edhe komentet e bëra lidhur me drogën, teksa thotë se drogat e tij janë arti dhe betejat politike.
”Të mos më bëjë mua njeri “lule mos prek”, jam njeriu më i sulmuar.
Eh mos u bëni komplet qesharakë disa këtu, Çfarë mielli ke marrë, s’ta paskan dhënë të mirë, s’kam nevojë fare për atë, është tjetër droga ime. Nuk e dini ju fare çfarë droge marr unë. Që i vogël arti dhe më pas beteja politike. Këto të tjerat janë muhabete që ata ua thonë mbase i kanë provuar vetë të gjitha.
Pa i mëshuar tavolinës nuk lëvizin gjërat si duhet. Kush nuk i mëshon tavolinës të ikë në punë të vetë. Ishte njëri për garën e Tiranës që thoshte “si mund të votoni Ramën kur është anormal”. Një anormal duhet, s’kam asnjë problem me këtë, i mëshoj tavolinës, që ç’ke me atë punë”, tha Rama.
