Me siguri nuk iu ka shkuar mendja ta bëni këtë pyetje më parë, por tani që e dëgjuat jeni kuriozë, apo jo? Është një pyetje e mirë kjo duke pasur parasysh që anëtarëve të familjes mbretërore iu referohemi gjithmonë me tituj dhe emrat e tyre të parë.
Ndonëse jemi ende në pritje të dëgjojmë nga familja mbretërore se kur të shtohen, të gjithë jemi kuriozë për emrat që kanë menduar, nëse duan djem apo vajza, shkolla që do të frekuentojnë, çfarë pasionesh do të ndjekin dhe, sigurisht, mbiemri që do të përdorin.
Kjo e fundit meqë ra fjala do të jetë e ndryshme nga kushërinjtë e tyre të parë, princ George, princeshë Charlotte dhe princ Louis. Kjo mund t’ju bëjë çudi sepse duke qenë se princ William dhe Harry janë vëllezër, ata nuk kanë të njëjtin mbiemër me pjesën tjetër të familjes mbretërore: Mountbatten-Windsor.
Princ Charles dhe Dukesha e Wales-it, Diana, dikur vendosën për djemtë e tyre që të frekuentonin shkollën me mbiemrin Wales, pra William Wales dhe Harry Wales.
Të njëjtën zgjidhje e kanë bërë edhe William e Kate me tre vogëlushët e tyre. George, Charlotte dhe Louis do ta frekuentojnë shkollën me mbiemrin Cambridge, duke qenë se William është princi i Kembrixhit.
Me siguri pritet që të njëjtën zgjedhje ta bëjnë edhe çifti më i ri mbretëror, pra fëmijët e Harryt dhe Meghan do të marrin mbiemrin Sussex./Opinion.al
