TIRANE- Debate të ashpra në Komisionin e Ligjeve për draftin e Lojërave të Fatit. Kryetari i Komisionit, Fatmir Xhafaj ka abstenuar ligjin e Qeverisë, gjithashtu edhe deputeti i PDIU Tahir Muhedini.
Xhafaj kërkoi moratorium për lojërat e fatit. “Çfarë problemi ka që ta pengojë qeverinë të vendosë një moratorium për lojërat e fatit, e t’i mbyllë plotësisht lojërat e fatit?”, tha ai gjatë mbledhjes së Komisionit.
Ndërsa zv.ministrja e Financave Beqiraj duke mbrojtur draftin u shpreh se është industri e ngritur që punëson disa njerëz. “Nëse do të vendosim moratorium do të ishte një vendimarrje ekstreme. Është një industri botërore jo shqiptare”, u shpeh ajo.
Sakaq debati shkon direkt për Lotarinë Kombëtare. Sipas Xhafajt, kjo kompani nuk ka të punësuar. “Lotatia kombëtare nuk ka shumë punonjës pse duhet lënë. Është problem financiar apo social për vendet e punës që mbylleshin?”, iu drejtua ai, zv/ministres. Sakaq, Beqeraj përgjigjet: “Llotaria Kombëtare ka persona të punësuar, por nuk kemi evidenca…”.
Ajo shtoi se në total në të gjitha pikat e lojërave të fatit janë 5 600 të punësuar.
