TIRANE- Kryetari i Kuvendit Ilir Meta ka konsumuar kafen e fundit me Shpëtim Idrizin para se të nisej për një vizitë zyrtare në Itali. Ky takim është “dokumentuar” nga mediat që kanë fotografuar këtë moment në Rogner, ku i pranishëm ka qenë edhe Petrit Vasili.
Nuk ka një komunikatë për këtë takim, që në fakt ka qenë informal, por përmes burimeve është mësuar se Meta-Idrizi kanë biseduar për vijimësinë e koalicionit qeverisës, ku bën pjesë edhe PDIU prej qershorit të këtij viti.
Po kështu ata kanë folur edhe për seancën e së enjtes që këtë javë drejtohet nga n/kryetari Idrizi në mungesë të Kryetarit Meta.
