Alex Rodriguez është akuzuar sërish se ka tradhtuar Jennifer Lopez, por këtë herë nga një modele britanike e “Playboy”-it, që pretendon se ylli i bejsbollit i ka kërkuar treshe pak javë para se t’i propozonte këngëtares. Modelja Zoe Gregory pretendon se 43-vjeçari i “shpërtheu” telefonin me mesazhe duke i kërkuar marrëdhënie treshe, ndërsa thuhet se i kishte dërguar fotografi të turpshme dhe kërkoi ta takonte personalisht.
Modelja 44-vjeçare pretendon se ai e ka përndjekur me mesazhe, që nga 22 janari i 2019-s. Rodriguez i propozoi JLo-së gjashtë javë më vonë, më 9 mars, me një unazë 4.5 milionë dollarëshe.
Mesazhet e tyre u shtuan deri në ditën kur 43-vjeçar i kërkoi të takoheshin personalisht dhe iu lut që të sillte shoqe me vete për një treshe.
“JLo është e mahnitshme dhe ajo nuk e meriton këtë. Ndërsa po bëhej gati për t’u martuar me të, ai po më kërkonte video seksi, si dhe që të kryenim marrëdhënie dhe që të bëja marrëveshje me vajzat e tjera”, tregoi ajo për “The Sun”.
Në një mesazh në WhatsApp, sipas saj, ai shkruan: “A po mendon ende për tre emrat e vajzave të këndshme për ne?”. Madje ajo tregoi se në një foto i kishte treguar dhe organin gjenital. Kujtojmë se pas lajmit për fejesën, ai u akuzua nga ish-lojtari i bejsbollit, Jose Canseco, se e kishte tradhtuar këngëtaren me bashkëshorten e tij./Opinion.al
