Barcelona ka përmbysur rezultatin e ndeshjes së parë ndaj Athletic Bilbaos, për të kaluar në çerekfinale të Kupës së Mbretit në Spanjë.
Fitorja 3 me 1 sot i mjaftoi katalanasve për të kaluar në fazë tjetër duke përmbysur rezultatin 2 me 1 të takimit të parë.
Treshja MSN shënoi golat për fitoren e rëndësishme të Barçës.
I pari realizoi Luis Suarez në minutën e 35-të. Në pjesën e dytë Neymar dyfishoi epërsinë në minutën e 48-të, ndërsa tre minuta më vonë rezultati u ngushtua nga Saborit.
Lionel Messi does it again ⚽? pic.twitter.com/HdkHiLITxk
— Messi 10 (@messi_vids) January 12, 2017
Në minutën e 78-të, Lionel Messi shënoi sërish nga gjuajtja e lirë për të siguruar kualifikimin. Ky është goli i tretë për këtë vit i shënuar në mënyrë të tillë nga argjentinasi.
Messi has scored 3 freekicks goals in 3 consecutive games in 2017.. pic.twitter.com/mW9OOycQRw
— MESSI FC (@LioneIMessiFC) January 11, 2017
