Një monedhe gjysmë dollarëshe e prodhuar në vitin 1838 është shitur në ankand në Baltimora, të SHBA-së, për gjysmë milioni dollarë.
Monedha është prodhuar në minierën e Nju Orlisnit në vitin 1838 dhe konsiderohet tepër e rrallë, sepse në atë kohë janë prodhuar vetëm 20 të tilla. Nga njëra anë e monedhës është portreti i një gruaje ndërsa në anën tjetër simboli kombëtar amerikan, shqiponja.
Monedha që u shit për saktësisht 504 mijë dollarë ka ndryshuar disa herë pronar përgjatë viteve para se të bëhej pjesë e shtëpisë së ankandeve “Stack’s Bowers”. Një monedhë e ngjashme me të u shit për 763 mijë dollarë në vitin 2014, ndërsa janarin e këtij viti një tjetër u shit në Florida për 444 mijë dollarë.
Shtëpia e ankandit “Stack’s Bowers” është e famshme për shitje të tilla. Në vitin 2013 arriti të shiste për 10 milionë dollarë një monedhë argjendi të prodhuar në vitin 1794./Opinion.al
