Kohët e fundit po flitet gjithnjë e më shumë për një fenomen të ri njohur ndryshe si sapioseksualiteti, të cilin e shohim edhe si përshkrim krahas dhjetëra fotove në Instagram. Por çfarë është një sapoiseksual?
Sapioseksual është dikush që tërhiqet seksualisht nga njerëzit inteligjentë. Në dallim nga njerëzit e tjerë që thjesht u pëlqejnë njerëzit inteligjentë, sapioseksualët tërhiqen fizikisht nga inteligjenca. Madje, refuzojnë të dalin me njerëz që s’i konsiderojnë “të zgjuar.”
Sapioseksualët stimulohen dhe sfidohen nga mënyra si mendon dikush tjetër, pra praktikisht, dashurohen me mendjen.
Në dallim nga homoseksualiteti apo heteroseksualiteti, sapioseksualiteti nuk është një orientim seksual. Ai konsiderohet term kontroversial sepse inteligjenca është perceptim personal, sidoqoftë përjashton ata që nuk kanë pasur mundësi të edukohen a arsimohen plotësisht.
Ndonëse ideja e tërheqjes nga njerëz inteligjentë ka ekzistuar gjithmonë, termi sapioseksual u përdor për herë të parë në vitin 2008.
Psikologët kanë përcaktuar edhe disa tipare që karakterizojnë individë të tillë. Ata kanë dëshirë të debatojnë, nuk u pëlqejnë bisedat e vakta, nuk i durojnë njerëzit që u duken pak të zgjuar, preferojnë të takojnë dikë në librari dhe jo në një bar, janë dëgjues shumë të mirë dhe kërkojnë gjithnjë njerëz nga të cilët duan të mësojnë./Opinion.al
