Festa pagane e Ditës së Verës kremtohet gjerësisht në Shqipëri më 14 Mars. Ajo është shpallur feste kombetare dhe me këtë rast, si ditë pushimi, shumë qytetarë zgjedhin të shëtisin, apo te ndjekin aktivitetet festive të organizuara nga bashkitë, sidomos në Tiranë e Elbasan.
Por çfare është Dita e Verës? Ja si e shpjegonte Faik Konica para 1 shekulli:
Miqve, shokëve të Lidhjes Shqiptare “Verore”, u dërgoj kujtime miqësie, urime të zemrës, për Ditën e Verës që na afrohet.
S’e festuam dot sivjet këtë ditë të bukur: po në mos e festuam me trup, do ta festojmë me zemër.
Ç’është Dita e Verës?
Është dita në të cilën shtërgjyshërit t’anë, kur s’kish lindur edhe krishtërimi, kremtojin bashkë me Romakët dhe me Grekët e Vjetër, perëndit’ e luleve, të shelgjeve, të krojeve.
Kur çkrin dimëri, kur qaset Vera buzëqeshur e hollë dhe e gjatë si në piktyrë të Botticelli, zemra e njeriut çgarkohet nga një barë, shijon një qetësi, një lumtësi t’ëmblë. Në këtë gëzim, stërgjyshërit t’anë ndiejin një detyrë t’u falen perëndive që sillnin këto mirësira.
Dhe ashtu leu festa hiroshe që quajmë Dit’ e Verës.
(Botuar më 1911)
