Është padyshim një nga këngëtaret më të dashura dhe më të vlerësuara shqiptare, por gjithnjë shumë hermetike sa i përket jetës personale.
Këngëtarja Elhaida Dani ka qenë e ftuar mbrëmjen që lamë pas në emisionin në “Në Kurthin e Piter Pan” në Tv Klan ku është “vënë në siklet” nga pyetjet e fëmijëve, e sidomos ato për jetë e saj private.
“A mërzitet burri kur vjen vonë nga puna?”-ka qenë një nga pyetjet që e kanë bërë të ndihet në siklet këngëtaren shkodrane.
Ajo është munduar të jetë evazive duke thënë: “Më shumë, unë mërzitem vetë kur kthehem vonë nga puna. Nuk them dot nëse do mërzitej burri apo dikush tjetër që mund të jetë me mua. Nuk do t’i përgjigjem kësaj…,” – përfundoi këngëtarja duke mos konfirmuar apo mohuar nëse aktualisht po jeton një histori dashurie apo jo.
Aktualisht ajo është duke jetuar jashtë vendit ku po vijon edhe karrierën e saj artistike./Xh.K/Opinion.al/
