Ish-ministri i Brendshëm, Saimir Tahiri do të jetë mbrëmjen e sotme i ftuar në emisionin “Opinion” përballë Blendi Fevziut dhe një paneli gazetarësh.
“Kam disa gjëra për të thënë” shkroi ai në facebook, ndërsa doli sot në një konference për mediat për të treguar se në Itali ka rezultuar i pafajshëm. Ai shpjegoi se ka kërkuar vetë të hetohet nga prokurorët e antimafias italiane. Dhe pas 1 viti hetimesh (më 5 tetor 2018) gjithçka është mbyllur pasi nuk është gjetur asnjë veper penale e kryer prej tij. Po kështu Tahiri kërkoi që edhe prokurorët në Shqipëri të avancojnë pasi ka më shumë se 1 viti dhe kanë hetuar gjithçka rreth aktivitetit të tij. “Janë 7 prokurorë, le të bëhen 70, por vetëm të përfundojnë”, tha ai.
Në konferencën për shtyp, Tahiri tha gjithashtu se ka duruar për 1 vit akuzat e opozitës, ambasadorëve dhe analistëve por ka heshtur duke pritur që të dalë e verteta nga drejtësia.
Sonte do të presim të dëgjojmë se çfarë ka tjetër për të thënë Saimir Tahiri. Në orën 21:00 ai do të jetë në studion e “Opinion” në tv Klan.
