Të shohësh në ëndërr duke kryer marrëdhënie seksuale është diçka shumë e zakonshme dhe shumë provokuese, sidomos kur në ëndërr përfshihet ndonjë koleg apo mik/e i/e ngushtë.
Por, nëse ‘të flesh me dikë në subkoshiencë’ është e sikletshme, arsyeja që qëndron pas këtij akti mund të jetë më ‘e pafajshme’ se ç’duket.
Hilda Burke, një këshilluese angleze çiftesh dhe autore librash si dhe Martina Kocian, terapiste ëndrrash nga Australia, kanë folur rreth domethënies që kanë ëndrrat me përmbajtje seksuale.
Sipas ekspertes së marrëdhënieve, këto lloj ëndrrash simbolizojnë aspekte të ndryshme, në varësi të përsonit me të cilin e keni parë atë ëndërr.
Edhe pse shumica prej jush nuk janë të famshëm apo të pasur, të shohësh në ëndërr sikur ‘fle’ me njerëz të tillë, do të thotë se këto janë cilësitë që ju kërkoni tek partneri juaj.
‘Shumica prej nesh kanë një ndjesi instiktive rreth njerëzve të famshëm…ne imagjinojmë të jemi me ta në një farë mënyre’, tha për Cosmopolitan znj.Burke, duke shtuar se cilësi të tilla na duken shumë tërheqëse.
Të shohësh në ëndërr sikur bën seks me shefin tënd mund të jetë disi turbulluese dhe nuk do ndiheshit rehat në mbledhjen e mëngjesit që do zhvillonit me të.
Por, Burke thotë se kjo lloj ëndrre erotike është më shumë e lidhur me ambiciet tuaja karrieriste dhe aspiratat profesionale se sa me tërheqjen për eprorin.
Të shohësh në ëndërr sikur bën seks me një shok/qe është një ndër ëndrrat më të zakonshme që njerëzit shohin.
Burke thotë se këto ëndrra dalin nga subkoshienca juaj për të rivlerësuar marrëdhëniet platonike, ndërkohë që personi që keni parë në ëndërr mund të mos jetë fare tipi që bën për ju.
Besohet gjerësisht se seksi me miqtë në ëndërr do të thotë se ju tërheqin talentet apo cilësitë që mund të ketë personi në fjalë.
Kjo është mëse e vërtetë, në rast se në jetën reale ky person nuk ju tërheq si partner potencial.
Po kështu, tradhtia ndaj partnerit tuaj mund të tregojë interes për cilësitë që ju dëshironi, ndërsa kur shihni në ëndër sikur partneri ju tradhëton mund të jetë pasiguri ose çështje besimi në marrëdhënien tuaj.
Edhe pse ëndrra të tilla mund të mos ju eksitojnë gjatë kohës që jeni në gjumë, kur zgjoheni emocionet tuaja janë të provokuara, në varësi të asaj që ju ka ofruar subkoshienca.
Sipas Martina Kocian, katër ëndrrat më të zakonshme përfshijnë :rënien (nga lartësia), ndjekjen, seksin dhe rënien e dhëmbëve.
Kocian rrëfen se të shohësh në ëndërr sikur të bien dhëmbët apo se i humbe në një aksident, është zakonisht simbol i ankthit që të ka zënë, si pasojë e një ndryshimi në jetën tënde apo një periudhe tranzitore.
Vdekja në ëndër, përfshirë këtu edhe kur sheh sikur ka vdekur një person i dashur për ty, apo dikush që e njeh, do të thotë se i reziston një ndryshimi të madh në jetë.
Në mënyrë të ngjashme shpjegohet edhe ëndrra kur sheh se po të ndjekin. Kjo është një shenjë se ti po largohesh apo po përpiqesh të shmangësh një çështje në jetën tënde. Të shohësh veten në ëndërr sikur po të ndjekin është gjithashtu edhe simbol i një faji.
Të shohësh në ëndërr sikur po bie nga një lartësi, tregon mungesë kontrolli në jetën tënde.
‘Ëndrrat që kanë lidhje me ujin, përfaqësojnë gjendjen tonë emocionale’, thotë ajo.
‘Për shembull, po shihni në ëndërr cunami që përplasen apo ujëra të qetë? Këto ëndrra janë një e dhënë e mirë për të kuptuar gjëndjen tonë mendore dhe psikologjike gjatë orëve që jemi zgjuar.’
Kocian mendon se ëndrrat janë shumë të rëndësishme për shëndetin tonë në përgjithësi dhe atë mendor në veçanti, sepse “ato na lidhin me mendimet tona më të thella”.
‘Ëndrrat na ndihmojnë të shprehim emocionet e shtypura, të punojmë me traumat e pësuara dhe të ndihemi mirë emocionalisht.’
‘Ëndrrat tona janë të gjalla. Sa më shumë vëmendje t’u kushtojmë, aq më shumë ato do na tregojnë rreth vetes sonë.’
“Studimet kanë zbuluar se njerëzit të cilët i kanë ‘shtypur ëndrrat’ e tyre, kanë shenja të bllokimit mendor dhe episode të qarta psikotike pas netëve që nuk kanë parë asnjë ëndërr.”
Njerëzit që kanë pësuar dëmtime në tru, siç është sindroma Charcot-Wilbrand humbasin aftësinë për të parë ëndrra.
Kocian beson se ëndrrat tona janë paraqitje e situatave të cilat përpiqemi t’u shmangemi, apo të cilave u frikësohemi në jetën e përditshme.
“Kjo është veçanërisht rasti me ankthe dhe ëndrra të përsëritura”, tha ajo.
‘Ëndrrat tona theksojnë dhe përforcojnë frikën tonë dhe çdo gjë që përpiqemi të shmangim në zgjimin e jetës në mënyrë që së pari të na ofrojë vetëdijen për këto çështje dhe pastaj të na ndihmojë të merremi me të dhe të punojmë përtej tyre.
‘Ankthet e këqija dhe ëndrrat e përsëritura do të bëhen më të gjalla dhe do të ndodhin më shpesh derisa të pranojmë ose të trajtojmë çështjen e zgjimit. Terapia e ëndrrave ndihmon në zgjidhjen e këtyre çështjeve duke na lejuar të punojmë me protagonistët e ëndrrave për të ndihmuar të largohemi nga ndërgjegja e përhershme.
“Ne fillojmë të shohim dhe të kuptojmë detajet e fshehura të objekteve dhe karaktereve të njohura për të fituar një perspektivë të re dhe unike së bashku me rritjen e vitalitetit në përgjigje të çështjes së zgjimit”. /Ora News.tv/
