Ministrja e Financave, Delina Ibrahimaj në një dalje për mediat pas mbledhjes së qeverisë ditën e sotme tha se bordet për çmimet e karburanteve dhe të ushqimeve do të vazhdojnë të funksionojnë. Sipas saj bordet do të jenë aktive për sa kohë do të jemi të ndikuar nga rritja e çmimeve në bursat ndërkombëtare.
Ndër të tjera Ibrahimaj theksoi se nga analiza e bërë dy bordet e kanë kryer funksionin për të cilin u krijuan.
“Nga analiza që kemi bërë, këto dy borde kanë bërë punën e tyre. Kemi ndaluar që prirjet inflacioniste të materializohen pa pasur de facto rritje të çmimeve në tregjet ndërkombëtare. Do vazhdojmë të mbajmë bordet, përsa kohë do ndikohemi nga rritje eksponenciale e çmimeve ndërkombëtare me qëllim garantimin që qytetarët të paguajnë çmimin më të ulët të mundshëm dhe limitim të spekulimeve me çmimet”, theksoi Ibrahimaj.
