Presidenti i Serbisë, Aleksandar Vuçiç dhe kryeministri shqiptar, Edi Rama, janë takuar në Skoci. Këtë fakt e ka bërë të ditur vetë presidenti serb, i cili ka postuar dy foto në rrjetet sociale.
Bashkëngjitur me fotot, ai shkruan se takimi është bërë në mbështetje të “Open Balkan”, por nuk dihet se çfarë do të ndodh me mbledhjen e radhës, i cili ishte planifikuar në Beograd, dhe shkak është situata e krijuar në Maqedoninë e Veriut.
Ashtu siç mund të shihet, Vuçiç, Rama dhe presidenti i Maqedonisë së Veriut, Pendarovski, kanë diskuar se çdo të bëhet me takimin që ishte planifikuar në datat 3 dhe 4.
“Mbështetje e fortë për Ballkanin e Hapur. A duhet të mbajmë apo të shtyjmë takimin në Beograd, duke marrë parasysh ngjarjet në Shkup? Me Edi Ramë në Glasgow”, -ka shkruar Vuçiç.
Kujtojmë se kryeministri i Shqipërisë, Edi Rama, po merr pjesë në Samitin për ndryshimin e Klimës, ku pjesëmarrës janë edhe presidenti Serb dhe ai i Maqedonisë së Veriut./Opinion.al
View this post on Instagram
