Kreu i grupit Parlamentar të Partisë Demokratike, Edi Paloka i ftuar në emisionin “Kjo Javë” të gazetares Nisida Tufa në “News 24” nuk ka nguruar të flasë për deputetet kritikë brenda grupit. I pyetur nëse do të ketë penalizime për ta, duke i përmendur emrat e Majlinda Bregut, Eduard Selamit apo Astrit Patozit, Paloka tha se rregullat në PD janë të qarta, raporton “BalkanWeb”. “Qëndrimet i kam paraqitur aty ku duhet t’i paraqes. E kemi thënë që në PD lejohet mendimi ndryshe, por kur mendimi ndryshe i disave nuk është më ndryshe, por i bashkohet ndonjë mendimi tjetër ndryshe, e kuptoni besoj se nuk është më një mendim ndryshe”, – tha Paloka.