Në emisionin “Opinion”, kryetari i PD, Sali Berisha ka folur për reformën në drejtësi dhe SPAK.
Në do të behej kryeministër, Berisha tha se do të ndërhynte me njëherë në reformë në drejtësi, duke e cilësuar SPAK një organizatë kriminale.
Kryedemokrati e akuzoi SPAK se ka bërë pazare me kriminelë dhe se për këtë do të duhet të përballet me ligjet e vendit.
Nëse bëhëni kryeministri cili do të jetë qëndrimi juaj ndaj SPAK?
“Qëndrimi im do të jetë ndërhyrje e menjëhershme me Komisionin Venecias. Komisioni i Venecias është institucioni perëndimor i Këshillit të Europës, e vërteta është plotësisht i besueshëm nga SHBA që ka eksperiencën më të madhe se çdo institucion tjetër në reformat ligjore e kushtetuese. Në këtë reformë, këta e përjashtuan Komisionin e Venecias, ne e përfshimë. Rama rekomandimet nuk arriti t’i saldojë në Kushtetutë, i futi një nga një në ligjet organike. Qytetarit shqiptar i duhet të presë për një proces civil 14 vite, për një penal 10 vite, i duhet të paguajë ryshfete 4 ose 5-fish sa më parë. Ka një prokurori po aq politike sa ajo e Enver Hoxhës. Për SPAK-un , për shkak të politizimit është sot dhe u them shqiptarëve dhe mund t’ua faktoj një organizatë e vërtetë kriminale. Kjo është qesharake! Jo në Shqipëri, por në Shtetet e Bashkuara nuk mund të mohohet se demokracia ka bërë hapa mbrapa gjatë administratës së Biden. Ai që e dekoroi Dumanin, jam i sigurt që do dekoronte me kënaqësi edhe Jack Smith-in. Do të përballen me ligjet e vendit për të gjitha pazaret që kanë bërë me kriminelë!”
