Ish-deputeti i PD, Klevis Balliu, është shprehur se opozita nuk do të lejojë që në 30 qershor të zhvillohen zgjedhje.
Pavarësisht shtryrjes së zgjedhjeve për më 13 tetor nga presidenti Ilir Meta, Balliu është shprehur se opozita nuk do të ndalojë përpjekjet për të rrëzuar kryeministrin Edi Rama.
Ai tha se opozita do t’i garantojë popullit zgjedhje të lira dhe të ndershme.
“Të dielën do të bëhet gjithçka për të mbrojtur demokracinë dhe pluralizmin në këtë vend. Nuk do të lejojmë as Edi Ramën dhe askënd të rikthejë votimet e Enver Hoxhës. Ne jemi më të fortë dhe më të bashkuar se kurrë sot. Presidenti ushtroi kompetencat kushtetuese dhe ligjore, por PD dhe opozita është e qartë sa i përket cështjes së zgjedhjeve të lira dhe të ndershme. Zgjedhje të lira nuk mund të ketë përsakohë kryeministër është Edi Rama. Kriza politike dhe ekonomike nuk është një çështje date, Por është një përplasje mes votës së lirë dhe atyre që kërkojnë rikthimin e votimit të Enver Hoxhës”,-u shpreh Balliu./ Opinion.al E.Xh.
