Kreu i Partisë së Lirisë, Ilir Meta, në një dalje për mediat është shprehur se koalicioni “Bashkë Fitojmë” po ecën drejt fitores më 14 Maj.
Më tej ai tha se pikërisht për ketë arsye Rama është tmerruar.
“Nuk kam kohë të merrem as me Ramën, që është tmerruar nga fakti që opozita ecën pa ndalim drejt 14 Majit. Është tmerruar nga autosbusi i shpresës, nga autobosi i fitores, nga autobusi i triumfit të qytetarëve”, tha Meta.
Ndër të tjera, i pyetur nga gazetarët, Meta bëri me dije edhe se çfarë bisedoi me Sali Berishën në takimin që zhvilluan ditën e sotme në selinë blu.
“Ne koordinuam për axhendën për javët që vijnë. Dje ishim së bashku në Bashkinë e Gramshit dhe jam shumë i lumtur që të prekja vetë atmosferën e fitores në Gramsh sepse është një nga bashkitë më të shpërdoruara nga Rilindja dhe tani i kanë çuar me parashutë një kandidat i cili ka ikur 2 vjeç nga Gamshi dhe rikthehet tani. Mirëpo Gramshi e di shumë mirë se si është shpërblyer nga Rilindja përgjatë gjithë këtyre viteve”, u shpreh Meta.
