Nga studioja e Opinionit, Sali Berisha kishte një thirrje dhe një dhuratë për kryeministrin Edi Rama.
I ftuar mbrëmjen e sotme së bashku me ekipin e tij në prag të zgjedhjeve të 11 Majit, Berisha i bëri edhe një herë ftesë për debat televiziv Ramës.
Ndërkohë që Rama do të jetë mbrëmjen e nesërme i ftuar në emisionin ‘Opinion’, kryedemokrati u kujdes që t’i linte një dhuratë, “Pasaportën e narkoshtetit”, siç e quajti ai.
Pjesë nga biseda:
Berisha: Ai po të jetë burrë, vjen dhe ballafaqohet. Është thirrja e fundit. Sepse ai çfarë ka bërë? Ai ka zgjedhur të premten, për të ardhur këtu vetëm. Pasi unë e kam ftuar kudo.
Fevziu: Është e vërtet nuk ka dashur. Ama zoti Berisha e mbani mend kur edhe ai ju ftonte ju para 2013 dhe ju nuk vinit?
Berisha: Unë kam dhuratën time për të, këtë pasaportë të lutem do ja japësh si dhuratë nga unë nesër që e keni në studio.
Fevziu: Po nuk është e identifikuar.
Berisha: Narkoshteti.
