Komisioneri për Zgjerimin Johannes Hahn ka qenë mbrëmë në një takim në zyrën e kreut të opozitës Lulzim Basha ku ka qëndruar për më shumë se dy orë. Në pjesën e parë të takimit kanë qenë të pranishëm edhe përfaqësues të tjerë të lartë të Partisë Demokratike, ndërsa më pas të gjithë janë larguar dhe komisioneri ka patur një bisedë kokë më kokë me kreun demokrat Basha.
Burime për Opinion.al bëjnë me dije se takimi koke me koke mes Johannes Hahn dhe Lulzim Bashës, ka zgjatur më shumë se 1 orë dhe Komisioneri është larguar nga selia e Partisë Demokratike, pas orës 23;15.
Nuk dihen detaje për temat kryesore të biseduara në këtë takim, por po të kemi parasysh zhvillimet e fundit që po ndodhin në vend besojmë që ndër argumentat kryesorë të diskutimit duhet të ketë qenë edhe çështja e trafikut të drogës dhe procesi i vetingut. / Opinion.al
