Nënkryetari i PD, Edi Paloka, të premten, i ftuar në studion e lajmeve të Ora Neës është shprehur se protesta e opozitës do të zhvillohet me 26 maj në kryeqyetet përballë Kryeministrisë, ndërsa qëllimi kryesor i saj është largimi i ministrit të Brendshëm, Fatmir Xhafaj.
Paloka tha se protesta është thirrur, pasi kryeministri i vendit nuk pranon të ballafaqohet me faktet e publikuara nga opozita.
Ai deklaroi se kjo qeveri është e lidhur me krimin dhe punon kundër interesave të shqiptarëve.
Akuzat e ramës për baltosje të procesit të negociatave?
Nënkryetari i PD-së, tha se një justifikim i tillë është bërë aq bajat dhe njëkohësisht naiv sa askush nuk e beson. Sipas tij, nuk ka asnjë naiv më që t’a besojë një përrallë aq bajate. Ai u shpreh se të gjithë kriminelët në qeveri, nuk i vuri opozita, por Edi Rama.
“Nuk i tha opozita Saimir Tahirit merru me Habilajt. Nuk e detyruam ne Ramën që të vërë ministër një person që ka vëllain trafikant droge. Balta ka vetëm një shkaktar, është vetë Edi Rama me skandalet e qeverisë së tij”,- u shpreh Paloka.
Ai thekson se vendosja e dy ministrave të Brendshëm trafikant droge, për vendin është një gjë shumë e keqe. Sipas tij, detyra e opozitës është denoncimi i këtyre njerëzve dhe lidhjeve të tyre me botën e krimit.
Paloka tha se Europa nuk po bëhet pengesë, por është situata e krijuar në vend, ku çdo ditë del një skandal.
Pyetje: Që pas publikimit të përgjimit, përfshirjen e vëllait të Fatmir Xhafajt në trafik droge, nuk ka pasur një reagim të qartë nga ambasadat e huaja, nga ndërkombëtarët, madje Ministri i Brendshëm u shfaq sot në krah të ambasadores gjermane. Përse kjo heshtje e ndërkombëtarëve?
Paloka: Unë nuk do doja t’i komentoja sepse ne kemi zgjedhur të merremi me institucione direkte për shumë arsye. Ka pasur dhe reagime për mua të nivelit skandaloz të ndonjë ambasadoreje, por ne kemi zjedhur të mos merremi me disa individë që vërtet mbajnë tituj si përfaqësues të atij apo këtij vendi apo si përfaqësues të BE, por që për ne praktikisht e kanë diskredituar veten me qëndrimet e tyre. Ne i mbajmë lidhjet direkte me institucionet dhe janë institucionet ndërkombëtare qoftë ato që lidhen me integrimin e Shqipërisë, qoftë me qeveritë apo kancelaritë europiane i kanë bërë të qartë pozicionet e tyre. Edhe për drogën dhe Saimir Tahirin nuk e hapte askush gojën, më pas u vunë ata me shpatulla pas murit.
Deputeti demokrat u shpreh se nuk ka besim se Prokuroria do të bëjë një hetim të drejtë.
Paloka: E dha urdhërin Rama. Ai tha që unë e verifkova audion dhe këtë qëllim kishte, ti thoshtë prokurorisë ky është qëndrimi, qëndrimin e vendos unë. Qëndrimin tonë për prokuroren ne e kemi deklaruar që ditën e parë, vetëm me një synim të shpëtoja Ramën dhe të inkriminuarit e tij dhe ta përdorte kundër opozitës. E para i tha që nuk ka autenticitet video-përgjimin dhe e dyta dha urdhër arresto opozitën.
