Edmond Spaho dhe Petrit Vasili në cilësinë e kryetarëve të grupeve parlamentare respektivisht PD dhe LSI kanë dorëzuar një kallëzim penal në prokurori: “Të dorëzojë provën që ai pretendon se e ka. Të dorëzojë se ku e ka bërë analizën e zerit të Agron Xhafës”, tha Spaho përpara prokurorisë. Sipas tij, një muaj pas skandalit, prokuroria ende nuk ka zbardhur te verteten dhe ata pretendojnë se Kryeministri ka penguar në zbardhjen e të vertetes. “Nuk mund të ketë dy prokurori dhe dy hetime, një nga Rama e një nga ky institucion”, tha më tej Vasili.
Partia Demokratike rreth një muaj më parë publikoi audio-pergjimin e vellait te ministrit, shtetasit Agron Xhafaj që fliste me mikun e tij, Babalen per nje ngarkese droge. Pas ketij skandali, Kryeministri i vendit, Edi Rama mori persiper te deklaronte se audiopergjimi ishte i manipuluar dhe per kete tha se kishte bere privatisht nje analize te zerit.
