Kjo javë në emisionin ‘Opinion’ është dominuar nga zhvillimet e aktualitetit, por dita e mërkurë ka sjellë një temë jashtë tij.
Sa i përket audiencës, ‘Opinion’, edhe këtë javë ka marrë vëmendjen më të madhe gjatë trajtimit të temave aktuale.
Emisioni që regjistroi audiencën më të lartë ishte ai i ditës së hënë, kur në studio u fol për çështjen ‘Xhafaj’, ndërsa emisioni ‘Opinion’ më pak i ndjekur ishte ai i ditës së martë, kur u fol për ëmbëlsirat tradicionale.
Ajo që bie në sy, nëse bën një vëzhgim të shpejtë, është se audienca i referohet dhe ka vëmendjen më të madhe tek ‘Opinion’ kur flitet për politikë, kronikë, ekonominë, dhe shikueshmëria vjen duke u ulur kur trajtohen tema më soft.
***
Mbrëmjen e të hënës në emisionin “Opinion” është trajtuar çështja Xhafaj dhe akuzat e opozitës për përfshirjen e vëllait të ministrit të Brendshëm në trafik droge. Maksimumi i audiencës ishte 52.9% ne orën 22:35 dhe audienca mesatare 43.5%.
Mbrëmjen e të martës emisioni “Opinion” i është larguar zhvillimeve nga aktualiteti, pasi trajtoi “Pasionin për ëmbëlsirat”. Audienca maksimale ishte 27.0% dhe audienca mesatar 22.3%.
Të mërkurën në mbrëmje në emisionin ‘Opinion’ u fol për problemet e turizmit në vendin tonë. Audienca maksimale ishte 34.6% dhe ajo mesatar 26.4%.
Të enjten në emisionin ‘Opinion’ u trajtuan tre tema. Në fillim të emisionit u fol për vjedhjen e dokumenteve sekrete në Prokurorinë e Durrësit. Më pas për përplasjen mes PD dhe PS për çështjen Xhafaj dhe në pjesën e tretë ‘Opinion’ kishte përgatitur një material të plotë për përgjimet më të famshme në Shqipëri. Audienca maksimale ishte 42.9% në orën 22:27 dhe ajo mesatare 31.2%./Gerta Zaimaj- opinion.al
