Përfaqësuesja e Ministrisë së Jashtme ruse, Maria Zakharova, me një deklaratë të ashpër, iu referua ndjekjes penale të Donald Trump, duke shtuar se në SHBA as presidentët nuk ndihen të sigurt.
Në veçanti, ajo e bëri këtë koment, me rastin e deklaratës së një zyrtari të Shtëpisë së Bardhë, i cili u bëri thirrje të gjithë amerikanëve që ndodhen në Rusi të largohen nga atje.
“John Kirby, zëdhënësi i Këshillit të Sigurisë Kombëtare të Shtëpisë së Bardhë, bëri një deklaratë tjetër ku thuhet se gazetarët amerikanë nuk ndihen të sigurt në Rusi pasi mund të jenë në rrezik burgimi. John, në Shtetet e Bashkuara edhe presidentët amerikanë nuk ndihen të sigurt , pasi mund të jenë të rrezikuar nga burgu”, tha Maria Zakharova.
Ndjekja penale e ish-presidentit amerikan Donald Trump është një çështje “e brendshme” e Shteteve të Bashkuara, dhe jo një çështje që Rusia do ta komentojë, sipas zëdhënësit të Kremlinit Dmitry Peskov.
“Unë nuk mendoj se kjo nuk është një çështje për komente nga ana jonë. Këto janë procese të brendshme amerikane që ne nuk i konsiderojmë të nevojshme t’i komentojmë në asnjë mënyrë”, tha Peskov./Opinion.al
