Dritan Zagani, ish-shefi i antidrogës se Vlores, i larguar nga Shqipëria për shkak të përplasjeve me ministrin Tahiri do të jetë sot në Opinion. Zagani është ndër njerëzit e parë që artikuloi publikisht akuza të rënda për ish-ministrin e tij, duke deklaruar si ky i fundit ishte i përfshirë në trafik ndërkombëtar të drogës me kushërinjtë e tij, vëllezërit Habilaj.
Tahiri i mohoi këto akuza, ndërkohë që Dritan Zagani u detyrua të largohej nga vendi duke kërkuar azil politik në Zvicër. Pas publikimit të lajmit për ndalimin e Moisi Habilajt nga policia italiane dhe publikimin e bisedave ku përmendet emri i tij, Dritan Zagani reagon sërish duke theksuar që akuzat e bëra prej tij kanë qenë të vërteta.
Sot në orën 22:15, Dritan Zagani do të jetë në një lidhje të drejtpërdrejtë në emisionin “Opinion” ku do të tregojë gjithçka ai di për lidhjet e policisë me drogën dhe rolin e Tahirit ne kete zinxhir, gjatë kohës që Zagani drejtonte departamentin e antidrogës.
