Presidenti i Republikës, Ilir Meta, ditën e sotme, i ka bërë thirrje politikës të bashkëpunojë në luftën kundër krimit.
Kjo thirrje vjen në kulmin e debatit për kërkesën e arrestimit të ish-ministrit të Brendshëm, Saimir Tahiri. Por, Meta refuzoi të bëhet pjesë e debatit për heqjen ose jo të imunitetit.
“Nuk kam asnjë debat për çështjen e imunitetit por të gjithë forcat politike dhe institucionet e drejtësisë duhet të bashkohen në luftën kundër trafiqeve dhe kundër drogës në përpjekjen për sundimin e ligjit”,- tha Meta.
Deklaratat e Presidentit Ilir Meta u bënë pas konferencës ndërkombëtare për zbatimin e vendimeve gjyqësore.
Meta i kërkoi parlamentit që në kuadër të reformës në drejtësi të reformojë edhe shërbimin përmbarimor i cili sipas tij shfaq problematika në funksionim.
