Ndryshe nga ish-kryeministri Sali Berisha, ndërtuesi Fatmir Bektashi është paraqitur në ambientet e Prokurorisë Speciale, i cili akuzohet për veprat korrupsion dhe pastrim parash për rastin e privatizimit të ish kompleksit Partizani.
Bektashi është me masë sigurie “Detyrim paraqitje” dhe ndalohet të largohet jashtë vendit, ashtu si edhe ish kryeministri Sali Berisha.
Berisha dhe dhëndri i tij, Jarmarbër Malltezi janë nën hetim për korrupsion nga Prokuroria e Posaçme pasi dyshohen se kanë përfituar 5.4 milionë euro në formën e pagesës në shkëmbim të veprimeve qeveritare në favor të kompanive Homeplan dhe Magnet.
Nën hetim është dhe bashkëpronari i këtyre kompanive, Fatmir Bektashi. Sipas prokurorisë, Malltezi arriti të transformojë një trashëgimi modeste prej 113.7 m2 tokë në një pasuri prej miliona eurosh përmes kontratave sekrete dhe vendimeve të Berishës në favor të biznesit të tij.
