Aktualitet

“Çështja nuk është urgjente”, shtyhet gjyqi i Saimir Tahirit në Apel


Bëhu pjesë e Grupit Zyrtar të Opinion.al
>> KËTU <<
               Publikuar në : 11:49 - 28/04/20 |
Al Do

Gjykata e Apelit ka shtyrë sot seancën ndaj ish ministrit të Brendshëm Saimir Tahiri më datë 13 maj, pasi Akti Normativ nuk e ka cilësuar një cështje urgjente.

Sipas vendimit, që çështja të niste duhej që të ishin të pranishme të gjitha palët në proces. Vetë Tahiri nuk ishte i pranishëm sot në gjykatë por përfaqësohej nga avokati i tij Maks Haxhia.

Në apel ushtruan ankimim si ish-ministri i Brendshëm që kërkon pafajësi ashtu edhe prokuroria e cila kërkon dënimin e tij me burg. Ish-Prokuroria e Krimeve kërkoi 8 vite burg për Tahirin, ndërsa gjykata e dënoi atë me 3 vite burg me shërbim prove.

Nga ana tjetër, avokatët e ish drejtorit të Policisë së Vlorës Jaeld Cela kanë kërkuar përjashtimin e tre gjyqtarëve të çështjes së tij, Albana Boksi, Nertina Kosova, Nure Dreni.

Ata e kanë argumentuar kërkesën e tyre se treshja e gjyqtarëve kanë gjykuar çështje të bashkëlidhura.

Çështja e Çelës është shqyrtuar me kërkesat e grupit të “Habilajve”. Ndërkohë, nëse kjo treshe gjyqtarësh ndërrohet duhet të ndërhyjë KLGJ për të caktuar gjyqtarë të tjerë.

Çela akuzohet bashkë me ish-ministrin e Brendshëm Saimir Tahiri për favorizim të grupit kriminal “Habilaj”, në trafikun ndërkombëtar të drogës. /Opinion.al

Pas