Ka nisur sërish me debate seanca e sotme plenare në Kuvendin e Shqipërisë.
Ka qenë deputeti i PD-së, Luçiano Boçi ai që ka marrë fillimisht fjalën dhe është shprehur se nuk ka arsye pse janë përjashtuar për 10 ditë kreu i PD, Sali Berisha dhe deputetët Edi Paloka, Flamur Noka, Edmond Spaho dhe Belind Këlliçi.
Teksa u ndal te çështja e ish-zyrtarit të FBI, McGonigal, Boçi tha se kryeministri duhet të dalë nga Kuvendi me pranga në duar.
Replikat në Kuvend
Luçiano Boçi: Tek po lexoja procesverbalin nuk gjeta asnjë arsye për përjashtimin e deputetëve të PD për 10 ditë, kanë kërkuar të drejtën e tyre për një mocion me debat për ish zyrtarin e lartë të FB për lidhjet e tij për eliminimin e opozitës, ndërkohë ju vazhdoni atë skenar që tashmë ka kohë që organizohet dhe zbatohet dhe është e njëjta mënyrë dhe e njëjta formë, nëse Rama paguan agjentët e FBI korrupton ata, dhe ky parlament është i korruptuar nga po ai, po i hiqet fjala opozitës. Është akt tradhtie kombëtare, Rama kërkon të eleminojë sistemin, kolonat e sistemit dhe kërkon të ndërtojë regjimin e tij dhe është kryeministri i parë…
Kryetarja e Kuvendit, Lindita Nikolla: Nuk është për procesverbalin, ju po mbani fjalim. Fjala është 2 minuta.
Luçiano Boçi: Kryeministri duhet të dalë këtu me pranga në duar. Dorëheqja është akti më i pastër.
