Pas deklaratave të kreut të PD, Sali Berisha se Basha nuk ka reaguar për çështjen e ish-zyrtarit të FBI, Mc Gonigal, takimet e tij me kryeministrin Rama dhe lidhjet me Shqipërinë, ish-kreu i PD në një postim në “Twitter” ka shkruar se e drejta vonon por nuk harron.
Sipas Bashës, me SHBA në krah Shqipëria mund dhe do të bëhet vendi i mundësive për shqiptarët.
“E drejta vonon por nuk harron! Me SHBA në krah Shqipëria mund dhe do të bëhet vendi i mundësive për shqiptarët”-shkruan Basha në “Twitter”.
Më herët Berisha tha se Basha po hesht edhe pse Rama përdori kundër tij atë që Berisha e cilësoi si një nga njerëzit më të fuqishëm në planet.
“Edhe viktimë Basha ka mbyllur gojën si me zinxhirë. A mund të imagjinoni se njeriu që përdori një nga njerëzit më të fuqishëm të planetit kundër tij, tani bën sikur nuk ekziston”, tha Berisha./Opinion.al
