Në një komunikim online me media dhe ndjekës të tij në rrjetet sociale, Kryeministri Rama është pyetur edhe mbi çështjen Martinaj.
Ai tha se pak a shumë kemi një përgjigje që sot, por deklaroi se një përgjigje e Policisë së Shtetit duhet të mbështetet në prova.
“Nëse përgjigjja do të ishte aty dhe do të ishte mbajtur e fshehur do të dilte për 9 ditë, por besoj se duhet të keni pak më shumë durim për të marrë një përgjigje përfundimtare dhe unë jam besimplotë që do ta kemi shumë shpejt. Sepse përgjigjja e Policisë së Shtetit duhet të jetë një përgjigje që duhet të mbështetet dhe në prova, nuk është thjesht një përgjigje të cilën pak a shumë e kemi që sot, por s’mund të thuhet zyrtarisht sepse kërkon të jetë e provuar”, deklaroi Rama./Opinion.al
