Arben Frroku do të qëndrojë në qeli në Holandë, të paktën deri në 7 mars. Pavarësisht se avokati i tij Gerald Roethof ka kërkuar lirimin e klientit, ministri i Drejtësisë ka thënë për De Telegraaf se nuk mund të lejojë që vrasësit të jenë të rrugët e vendit. Për këtë arsye ai ka autorizuar një hetim të ri mbi ekzekutimin e dënimit në Shqipëri.
Në vendimin e Gjykatës së Hagës për Arben Frrokut, i cili është dënuar me burgim të përjetshëm nga Gjykata e Apelit për Krime të Rënda për vrasjen e ish-kryekomisarit të Kombinatit Dritan Lamaj, thuhet “se dënimi që i është dhënë në Shqipëri, është dhënë bazuar mbi motive politike duke shtuar se Frrokut i rrezikohet jeta”.
Frroku është dënuar nga Gjykata e Apelit me burg përjetë për vrasjen e komisarit Dritan Lamaj në shkurt të 2013. Pas një kalvari gjyqësor, në Prill të 2015-s Arben Frroku u shpall i pafajshëm nga Gjykata e Krimeve të Rënda.
Pasi doli nga qelia, Frroku u largua nga Shqipëria ditën që Apeli i Krimeve të Rënda rrëzoi vendimin e Shkallës së Parë dhe vendosi dënim me burgim të përjetshëm për Arben Frroku. Ky i fundit u kap në Holandë me pasaportë false disa muaj më vonë./ G.F Opinion.al
