Bashkimi Europian i ka kërkuar Prishtinës dhe Beogradit të ulin tensionet pas marrjes së vendimit për ndalimin e hyrjes së automjeteve me targa të Serbisë në Kosovë.
Zëdhënësi i BE-së për Politikë dhe Siguri të Jashtme, Peter Stano, në një konferencë për media ka folur për ketë çështje dhe ka thënë se dialogu duhet shfrytëzuar për të zgjidhur mosmarrëveshje të tilla.
“Jemi duke vëzhguar situatën nga afër dhe dua të theksoj liria e lëvizjes është një kusht themelor i BE-së dhe këtë e presim edhe nga Kosova dhe Serbia që ta promovojnë. Ne u bëjmë thirrje të dyja palëve që të përmbahen dhe të reduktojnë tensionet. Menjëherë dhe pa vonesë”, ka deklaruar Stano./Opinion.al
