Ministri i jashtëm grek Nikos Dendias, në një intervistë të zhvilluar në mediat greke ka folur në lidhje marrëdhëniet diplomatike të jashtme të Greqisë.
Ndër të tjera, Dendias ka folur edhe për takimin me kryeministrin, Edi Rama, në kuadrin e zhvillimeve të javëve të fundit si dhe çështjen e detit, për të cilën u shpreh se marrëveshja e përbashkët midis Greqisë dhe Shqipërisë për të çuar këtë çështje në Gjykatën Ndërkombëtare të Drejtësisë në Hagë do të jetë gati pas zgjedhjeve të 25 Prillit.
“Me kryeministrin grek Edi Rama, kemi një marrëdhënie të shkëlqyer bashkëpunimi. Unë pata mundësinë të bisedoja gjerësisht me të për të gjitha çështjet bilaterale dhe rajonale, si gjatë vizitës sime në Tiranë dhe gjatë vizitës së tij në Athinë pardje. Për çështjen e rekursit në Hagë, ekipet përkatëse teknike po vazhdojnë punën e tyre. Qëllimi është që premtimi i përbashkët të nënshkruhet dhe të paraqitet sa më shpejt që të jetë e mundur në gjykatë, mendoj pas zgjedhjeve parlamentare në Shqipëri në 25 prill.” tha Dendias.
Sa i përket zgjerimit të ujërave territoriale përtej Jonit, Dendias tha se kjo do të bëhet kur të gjykohet e përshtatshme. Ai deklaroi se projektligji do të votohet në mbledhjen e parë të Parlamentit, duke shtuar se Greqia ka bërë zgjerime gjithmonë me mjete paqësore dhe mbi bazën e së drejtës ndërkombëtare. “Projekt-ligji përkatës do të futet në Parlament shumë shpejt. Dhe do të votohet menjëherë. Ky zgjerim është një e drejtë e patjetërsueshme e vendit tonë!”, shtoi ai.
Dekreti për zgjerimin me 12 milje në detin Jon, nga pjesa veriore e ishujve deri në kepin Tainaro, është një vendim i marrë nga Këshilli i Lartë i Shteti dhe është miratuar më datë 25 dhjetor në Greqi.
Kjo deklaratë e ministrit të Jashtëm grek vjen dy ditë pas vizitës së kryeministrit Edi Rama në Athinë./Opinion.al
