Deputetja e Partisë Demokratike, Ina Zhupa ka dalë këtë të mërkurë në një konferencë për mediat, ku ndër të tjera ka folur edhe për çështjen e “Butrintit”.
Zhupa është shprehur se pavarësisht se Gjykata Kushtetuese ka shkelur kushtetutën në disa raste, ajo beson tek institucioni dhe jo tek individët.
Ajo ka theksuar se nëse kjo çështje nuk merr zgjidhje nga “Kushtetuesja”, për shkeljet penale do të shkojë në SPAK.
“PD rast pas rasti edhe sipas çështjeve i ka bërë të qarta pozicionet se pse e ka shkelur kushtetutën edhe Gjykata Kushtetuese. Por pavarësisht kësaj unë nuk besoj tek individët, por te Institucionet.
Kjo është një çështje që nëse nuk merr zgjidhje nga Kushtetuesja, për shkeljet penale do të shkojë në SPAK. Unë kam vënë provë Gjykatën Kushtetuese, sepse kjo nuk është çështje politike, por një cështje e identitetit kombëtar dhe historisë së saj.
Dhe nëse nuk arrin që edhe për këtë çështje, të ngrihet në nivelin e duhur, atëherë nuk ka më arsye se pse të ekzistojë Kushtetuesja në vend.
E konsideroj si një gur prove, ku do të tregojë realisht nëse në fibrën e tyre si gjyqtare ka ende kushtetutshmëri brenda. Unë kam vendosur të gjitha provat në dispozicion,” tha ajo.
