Kryeminstri Edi Rama ka dalë ditën e sotme në një konferencë për media ku ka folur për zhvillimet e fundit në vend.
Gjatë fjalës së tij, ai nuk ka lënë pa përmendur as çështjen e kryebashkiakut të Himarës Fredi Belerit ku thotë se drejtësia e re në Shqipëri duhet të jetë e patrazuar në detyrën e saj.
Ai bëri me dije se askush nuk do të ndërhyjë mbi sistemin e drejtësisë, si dhe shton se kjo gjë është e panegociueshme për forcën që sot qeveris Shqipërinë.
Ndër të tjera ai theksoi se të tjerët mund të thonë se çfarë të duan qoftë brenda qoftë jashtë.
“Në këtë periudhë kemi vazhduar të kemi mesazhe shumë të rëndësishme dhe domethënëse nga sistemi i ri i drejtësisë. E dini shumë mirë se kemi pasur edhe një situatë të inflamuar për shkak të problemit me drejtësinë të kryebashkiakut të zgjedhur në Himarë, qëndrimi ynë ka qenë është dhe do të jetë që drejtësia e re në Shqipëri duhet të bëjë e patrazuar detyrën e saj.
Në këtë pikë asgjë nuk është më e rëndësishme se mbrojtja me të njëjtën mënyrë të qetësisë së veprimatrisë së sistemit të ri të drejtësisë. Asnjë lloj interferencë ngado që të vij mbi sistemin e drejtësisë. Ne nuk ndërhyjmë në çështje të drejtësisë. Do të bëjmë mbështetjen tonë pa kushte qoftë kur na vjen mirë qoftë kur na vjen keq. Kjo është e pangeociueshme për forcën që sot qeveris Shqipërinë. Të tjerët mund të thonë se çfarë të duan qoftë brenda qoftë jo”, tha Rama./Opinion.al
