Në një dalje per mediat këtë të hënë, kryetarja e Gjykatës Kushtetuese, Holta Zaçaj është pyetur nëse është marrë në shqyrtim çështja e kryebashkiakut të zgjedhur të Himarës, Fredi Beleri.
Zaçaj u përgjigj se çështja ka mbërritur në Gjykatën Kushtetuese, është duke u përgatitur, por ende nuk është gati. Më tej ajo theksoi se për këtë çështje nuk ka kërkesë përshpejtimi.
“Në lidhje me Belerin, dua t’ju vej në dijeni, se Gjykata ka marrë në shqyrtim cështjen dhe ka vendosur kalimin e saj në seancë plenare, në shtator.
Ne nuk kemi filluar ende. Jemi duke shqyrtuar çështje të majit. Është duke iu përgatitur. Në Gjykatën Kushtetuese në momentin që bëhet gati dhe relatori është gati, merret në zbatim.
Në këtë çështje nuk më rezulton të kërkesë për përshpejtim. Dy kërkesat e tjera janë paraqitur 1 dhe 10 janar dhe nuk janë marrë ende në shqyrtim” tha kryetarja e GJK, Holta Zaçaj.
