Ministri i Jashtëm i Greqisë, Giorgos Gerapetritis, në samitin e shtatë të Selanikut, të mbajtur për integrimin në BE të vendeve të Ballkanit Perëndimor ka folur edhe për çështjen e Fredi Belerit.
Mediat greke raportojnë se ai ka thënë:
“ Nuk mund të ketë zbritje nga demokracia. Kryebashkiaku Fredi Beleri ndodhet në paraburgim që prej muajit maj, dy ditë para zgjedhjeve lokale në Shqipëri dhe aktualisht ndodhet në burg. Me gjithë respektin për rendin e brendshëm juridik të Shqipërisë, qeveria greke kërkoi të dukshmen, e cila nuk ka të bëjë fare me pavarësinë e drejtësisë dhe nuk ka të bëjë me procedurat e brendshme gjyqësore të vendit fqinj. Kemi kërkuar betimin e kryetarit të zgjedhur në atë mënyrë që vullneti politik i shprehur në zgjedhjet e majit të pasqyrohet edhe në aktin politik. Nuk bëhet fjalë për veprim gjyqësor dhe as për ndonjë ndërhyrje nga jashtë. Ky është një akt administrativ që duhet të zbatohet dhe respektimi i duhur i të drejtave civile dhe shtetit të së drejtës ”.
